Ով
և ինչպես հաղթեց Ղարաբաղյան
պատերազմը, շատերը կցանկանաին իմանալ
այս հարցի պատասխանը, սակայն դրա
պատասխանը որքան էլ անհատները և
իշխանությունները վերագրեն իրենց
միևնույն է դա այդպես չէ: Սակայն
ավելի պարզ լինելու համար հարկավոր
է ետ գնալ և սկսել փնտրել արմատները
դեռ անցիալից, և սեփական օրինակը
ներկայացնելով կարծում եմ կկարողանամ
ներկայացնել բացատրությունը: Այդպիսով
իմ ծնողները` հայրս և մայրս ծնվել
և մեծացել են Իրանում 1946 թվականին
առաջին գաղթականների քարավանների
հետ նրանք Իրանից գաղթեցին հայրենիք:
Հիշեցնեմ որ օտար երկրներից
համատարած վերադարձի արդյունքում
Հայաստանի Հանրապետության ազգաբնակչությունը
ավելացավ: Այնուհետև Հայրս և մայրս
ծանոթացան ամուսնացան և 1968 թվականին
ծնվեցի ես: Չնայած Խորհրդային
Կայսրությում հայրենիք վերադարձած
« նորեկողները » հանդիպեցին բավականին
դժվարությունների, սակայն դրա մասին
չպետք է որ խոսեմ: Այդպիսով
Հայաստանում 50- ական թվականներին
արդեն բնակչության աճը ակնհայտ
էր, ամուր և համերաշխ ընտանիքներում
սկիսզբ էր դրվում նոր հերոսական
սերունդի սկիզբը: Բանը այն է 60- ական
թվականներին ծնված նոր սերունդը
տեսնելով ուրախ և երջանիկ մանկություն
և պատանեկություն, մտավոր և բարոյական
հատկություններով զիջում էր բոլոր
ժամանակների սերունդներից: Այսինքն
խորհրդային պետության մեջ գործընթացը
ընթանում էր նորմալ, այսինքն
հաճախելով մանկապարտեզ, դպրոց,
բարձրագույն ուսումնական հաստատություն,
ժամանակը և պետությունը տվել և
կրթել մի սերունդ, որը դառնալու էր
ապագայի հաղթանակների հերոսը: Ահա
և առաջին հարցի պատասխանը: Բանը
այն է, որ Ղարաբաղյան պատերազմում
հաղթել է սերունդը և այդ սերունդի
ոգին, որը իրար փոխկապակցված է:
Վերադառնալով այդ սերունդի մտավոր
և հոգևոր արժանիքներին: Եթե նայելու
լինենք Ղարաբաղյան պատերազմի
մասնակիցների հիմնական և զգալի
մասը 50-60 թվականների ծնունդ է, շատ
քչերը կար 70 -ականների ծնունդ,
այսինքն այդ այն սերունդն էր, որ
տեսել է երջանիկ մանկություն
մանկապարտեզում և դպրոցում: Սկսելով
իր առաջին քայլերը Խորհրդային
համակարգում, որտեղ գործում էր
Անտոն Սեմյոնովիչ Մակարենկոյի
դպրոցական ծրագիրը: Կցանկանաի
հիշեցնել նրա ասած մտքերից, որը
իրոք որ թևավոր են` « Սովորացնել
մարդուն լինելու երջանիկ չի կարելի,
սակայն կարելի է ուղղորդել նրան
գտնել իր երջանիկությունը » : Հարցը
այն չէր որ Մակարենկոն բոլշևիկ էր
այլ այն որ նա տաղանդավոր մանկավարժ
էր, և իզուր չէ որ 1988 թվականին
ՅՈւՆԵՍԿՈՆ նրան ճանաչեց որպես ХХ
դարի չորս տաղանդավոր մանկավարժներից
մեկը: Վերադառնալով այդ կրթության
դաստիրակչական այդ ծրագրին կարելի
է ասել որ Խորհրդային համակարգը
իր բացասական գծերը ևս ուներ, այսինքն
դպրոցական ծրագրերում Հայ ժողովրդի
պատմության բոլշևիկյան աղավաղված
տարբերակի մասին գիտեին բոլորը, և
շատ դեպքերում պատմության շատ
ուսուցիչներ կարողանում էին դպրոցական
ծրագրից դուրս ներկայացնել որոշ
մանրամասնություններ ցեղասպանության
և ֆիդայական շարժման մասին:
Գրականության բնագավառում սփյոռքահայ
հեղինակների մասին լռելով: Սակայն
ազատամիտ այդ երիտասարդությունը
կարողանում է սեփական հնարավորություններով
լրացնել այդ պակասը: Հաշված այն,
որ դպրոցական և հանրային գրադարանները
կարող էին բավարարել ամենաքմահաճ
ընթերցասերի պահանջները: Նորից
հիշելով Մակարենկոյին որը նշել էր
անգամ Ազգային Ենթագիտակցության
մասին: Ինչպես տեսնում ենք Խորհրդային
երկրում ճիշտ էր դրված երիտասարդների
դաստիարակչական հարցը, հեռուստատեսային
պատանեկան հաղորդաշարերը ևս նպաստում
էին արողջ սերունդի դաստիարակման
գործում զգալի դեր խաղալ: Իմ
հասարակիցները բաց չէինք թողնում
հեռուստատեսային գեղարվեստական ֆիլմերը
քաղաքացիական և հայրենական պատերազմի
մոտիվներով, չհաշված հանգստյան
օրերի « հեքիաթի հյուրը » հաղորդաշարը,
որտեղ ցուցադրում էին բարու
հաղթանակի և չարի պարտության մասին:
Այդպիսով տեսնելով հերթական հեքիաթի
հերոսի ձևավորվում էր մի մտավոր
աշխարհ, որը ընդունակ էր պատժելու
չարին: Բացի այդ պիոներական խմբակները
կարողանում էին նպաստել հարգանքի
և սիրո մթնոլորտում ինքնահաստատվել
պատանիներին, որոշ դպրոցներում
ունենալով « Պատանի հետախույզների
Юный следопыт » ակումբները որոնք
իրենց այցելություններով Հայրենական
պատերազմի վետերաններին օգնում էին
և հարգանքի տուրք մատուցում
նրանց: Կարելի է հիշել գեղարվեստական
ֆիլմերից մեկը` « Թեմուրը և նրա
ջոկատը », իմ հասակակիցների սիրած
ֆիլմերից էր, անգամ մեր բակի տղաներով
նման կերպ էինք վարվում օգնելով
մեծահասակներին: Սերունդ որը գիտեր
իսկական մարդ կոչվելու արժեքները,
մարդ լինել չես կարող պարտադրել,
դա պետք է ներարկել և սովորացնել,
իսկ դրան նպաստում էր նաև միջավայրը:
Այդ տարիներին գրականությունը և
պոեզիան ապրում էր իր Ոսկե դարը:
Հիշում եմ գրախանութներում կիլոմետրերով
հերթ էր առաջանում երբ սկսում
էին վաճառվել հերթական գեղարվեստական
գիրքը: Անգամ « տակից » վաճառվող
գրքերը արագ վերջանում էին: Այսինքն
պահանջարկը հագեցնելու մտավոր սովը
ավելին էր քան հնարավոր: Մտավոր
զարգացումը գնալով ավելի էր
ընդլայնվում: « Պիոներական Պալատներում
» մանկապատանեկան խմբակները գրեթե
աշխատում էին ծանրաբեռնված ռեժիմով
անգամ երեք հերթափոխով խմբակները
հնարավորություն էր տալիս կրթել և
դաստիարակել արողջ սերունդ: Լողի
խմբակներից մինչև փայտամշակում :
Այդ տարիներին Երևանի փողոցները
մարդաշատ էին և ամենակարևորը որ
բոլորը իրար ժպտում էին և իրար
Բարևում, անկախ նրան տեսել են մի
թե երկու անգամ: Մենք մոռացել ենք
60-80 ական թվականները երբ բոլորը
իրար ողջունում էին հիմա մեր ժողովրդի
համար խորթ է Ռաֆֆի Հովհաննինսյանը
« Բարևը », հիշեցնեմ որ դա նա չի
ներմուծել, դա եղել է մեզ մոտ
վաղուց ուստի հայ ժողովրդի նոր
սերունդափոխությունը ոչնչացրեց
անցիալի լավը, որդեգրելով
օտարամոլությունը: Շարունակելով 60
-ականների սերունդի պատմությունը,
որը մեր ժողովրդի ոսկի սերունդն էր
իր մտավոր և գիտական կարողություններով,
դաստիարակել որպես հասարակությանը
պիտանի քաղաքացիներ, նրանք զորակոչվեցին
Սովետական բանակ ծառայություն
նրանցից շատերը անցնելով տղամարդ
դառնալու այդ դպրոցը: Չի կարելի
ասել որ այդ ժամանակվա սերունդի
բոլոր երիտասարդները իդեալական էին
և պետք է բոլորը գնաին դառնալու
հերոսներ: Սակայն անկախ ժամանակից
և դարաշրջանից մեր ժողովրդի մեջ
կա մի գենետիկական տեսակ, որին
կարելի է անվանաել` Տականք: Այդ
դավաճանների տեսակն է որը գենետիկական
փոխանցելով իրենց տեսակի հատկանիշները
ապ ու պապերից հասել են մինչև
մեր օրերը: Այդպիսի տականքների մասին
անգամ գրել են շատ բանաստեղծներ
և գրողներ, որոնցից են Չարենցը,
Սևակը և Շիրազը: Այդ « Աշխարհի շալակը
ելնողների » տեսակն էր, որ ամեն
ինչ անելու էր խաբելով կողոպտելով
ժողովրդի հաշվին ինքնահաստատվեր,
այդ տեսակն էր, որ գտնելու էր
ամեն միջոց մաղարիչով կամ « հիվանդ
» ձևացնելով ազատվեր զինվորական
ծառայությունից: Նրանց ծնողներն էին
որ թալանելով զարտուղի ճանապարհներով
իրենց տականքներին տեղավորելու են
յուղոտ տեղերում: Սակայն չեմ
ուզում շեղվել թեմայից, այդպիսով
այդ ժամանակներում անգամ հասարակության
մեջ բանակ չծառայած տղային անգամ
աղջիկ չէին տալիս համարելով որ
նա տղամարդկությունից զուրկ է: Եվ
իսկապես որ այդ տեսակի անհատների
կենսագրությանը ծանոթանալիս համոզվում
ես այդ ամեն ասեկոսների իրականության
մասին: Բայց վերադառնալով Ոսկե
սերունդին, ասեմ որ այդ սերունդի
շատ երիտասարդները որոնց հարթաթաթության
պատճառով կամ արողջական պրոբլեմների
պատճառով ազատվում էին զինծառայությունից,
չէին համաձայնվում այդ որոշմանը
և կամավոր սկզբունքով իրենց դիմումի
համաձայն ամեն ինչ անում էին
որպեսզի իրենք ևս ծառայեին բանակում:
Այդպիսով կարելի է վստահ ասել որ
դա այն մտավոր կարողություններով
զարգացած այն սերունդն էր, որ պիտի
գիտակցեր Ազատության ձգտումը, պիտի
գիտակցեր ազգին սպառնացող թուրքի
յաթաղանի վտանգը և այդ մղումները
պիտի նրան տանեին դեպի անձնազոհության
և հերոսության: Ինչևիցե լավ թե
վատ իրականությունը մեկն է և այն
չես կարող խուսափել: Իսկ այն սերունդը
ինչ տեսնում եմ հիմա կարծես թե
այլ արժեքներ է որդեգրել: Այս հոդվածը
չէի գրի եթե չլիներ իմ բարեկամուհու
հետ ծագած խոսակցությունը Արմենիա
Հեռուստաընկերության կողմից
ցուցադրվող հերթական սերիալի
դաժանության և արյունոտ տեսարանների
մասին: Նա պնդում էր որ ֆիլմը
համաշունչ է ժամանակին և հետաքրքիր
նայվում է, սակայն ասեմ որ նա
ապրում է Հայաստանից դուրս և
հայկական իրականությունից հեռու :
Իսկ ես պնդում եմ հակառակը, որ դա
դավաճանություն է և ամոթ է մեր
ժողովրդին ներկակացնել մի բան, որը
հակասում է մարդկային և ազգային
օրենքներին: Ամբողջ աշխարհով
բարձրաձայնում ենք ցեղասպանություն
մասին, սակայն մեր ֆիլմերով
ցեղասպանության ենք դատապարտում
նոր սերունդներին: Չմոռանանք որ այդ
ֆիլմերն են դաստիարակում մեր
սերունդներին: Նորից անձնական
օրինակով ներկայացնեմ այդ
իրավիճակները: Մի քանի տարի առաջ
երեքամյա որդիս խաղալիք ատրճանակը
պահելով տատիկի վրա պահանջում
էր որ « մեռնի » ( Չնայած որ փառք
Աստծո որ նա հեռու է հայկական
իրականությունից ) Այն որ երեխան
ծնվել է և մեծանում է Իսպանիայում
դա իր հերթին, սակայն ամեն օր
նա ականատես է լինում տանը Շանթ
հեռուստաընկերության ` « Որոգայթ »
հեռուստասերիալին: Եվ հարցը այն չէ
որ երեխան փորձում է նմանվել, այլ
նրա ատրճանակ բռնելու ձևն է, որը
կարծես փորձառու Քիլլեր լինի:
Ինչպես ասում է մեր ժողովուրդը «
Ինչ տեսել է, դա էլ սովորել... »:
Արդյոք ներկա սերունդը կարո՞ղ է
կրկնել իր հայրերի սխրանքը
Ղարաբաղյան պատերազմը վերսկսելու
դեպքում, ես վստահ եմ որ ո՛չ Աստված
չանի վերսկսի պատերազմը և մենք
տանուլ կտանք, և դա չեմ ասում
ուրախացնելու թշնամուն, այլ որպեսզի
զգուշացնեմ միջոցներ ձեռք առնել
կանխելու սպասվելիք աղետը: Ղարաբաղյան
պատերազմի մասնակիցների զավակները
արդեն հասուն երիտասարդներ են
որոնք տեսնելով թե ինչ բախտի
արժանացան իրենց հայրերը, որոնք
պատերազմը հաղթեցին, սակայն նրանցից
շատերը հեռանալով կյանքից
չքավորության ու աղքատության մեջ:
Տեսնելով երկրի իշխանների ոտնահարումն
ու նվաստացումը իր ծնողների հանդեպ
նա երբեք չի ցանկանա « Աշխարի
շալակը ելածների » համար իրեն
զոհաբերել, էլ ուր մնաց կռվել և
պաշտպանել այդ օլիգարխի սեփական
հողատարածքը, որը կոչում է հայրենիք...:
Նորից
կցանկանաի բերել սեփական օրինակը:
Մի քանի տարի առաջ
Երևանում էի և պատահաբար երթուղային
տաքսու մեջ հանդիպեցի իմ նախկին
զինվորներիվ մեկին: Նա շատ էր
ուրախացել տեսնելով ինձ 12 տարի էր
անցել սակայն նա շարունակում էր
Պարոնով դիմել, հետո նա իմ փոխարեն
վճարեց և իջավ: Երթուղայինի վարորդը
զարմացել էր հասկանալով որ ժամանակին
եղել եմ նրա սպան: Մեր զրույցը
հետաքրքիր էր վարորդի հետ, նա պատմեց
իր տղայի մասին, որը ծառայում էր
բանակում: Տղան բողոքել էր հորը իր
սպաներից և խոստացել է ծառայությունից
հետո լավ հաշվեհարդար տեսնել այդ
«սպա » կոչեցիալի հետ, որը միայն
պահանջում է գումար և «նվերներ»:
Երթուղայինի վարորդի պատմածը ցավալի
էր, որովհետև ես եմ եղել մեր
բանակաշինության առաջամարտիկներից
մեկը, և տեսնել այդպիսի արդյունք
իմ համար դժբախտություն է: Ինչով է
արդյոք տարբերվում Հայկական բանակը
ադրբեջականից, նույն հաշվեհարդարներն
ու նույն խոշտանգումները: Նույն
կաշառակեր գեներալներն ու սպաները:
Ի՞նչ եք կարծում պատերազմը վերսկսելու
դեպքում այն վարորդի տղան
հնարավորություն բաց չի թողնի
ինքնաձիգը ուղել դեպի իր հրամանատարը,
և դ րանից հետո չարանալով
իշխանություններից և ժողովրդից
դառնալու է հանցագործ իր դիմաց
ոչնչացնելով ամեն ինչ և այդ ժամանակ
ու՛մ պետք է մեղադրել, զինվորի՞ն
թե՞ այդ համակարգը կառուցողներին:
Ի՞նչ եք կարծում ում է պետք
հուսալքված զինվորը սահմանին: Այնպես
որ մինչև թշնամու բանակը կփորձի
որևէ բան ձեռնարկել, այդ պատադրված
դասալիքների խմբերը կարող են
գործը ավարտել: Սակայն դա աղետ կլինի
մեր ժողովրդի համար: Չեմ կարծում
որ թշնամու բանակներին դեմ դուրս
կգան այն մահակավոր ոստիկանը
որը, տիրոջ հրամանով կարող է ահաբեկել
սեփական ժողովրդին: Այնպես որ դասեր
քաղելով պատնությունից և ժամանակներից
փորձենք ուղորդվել դեպի իրավական
երկրի կառուցում: Քանի դեռ ուշ
չէ կարողացեք ընդունել իրական
պատմությունը, եթե ոչ ապա դատապարտված
ենք լինելու ժամանակի և ազգերի
կողմից....
ՎՀ
Իապանիա 10/03/2013
Комментариев нет:
Отправить комментарий